ДАІ ў сувязі з умовамі надвор'я раіць рухацца больш павольна, вытрымліваць большую дыстанцыю

Сёння раніцай мінчан сустрэла сапраўднае марознае надвор'е. Слупкі тэрмометраў апусціліся да мінус 6. А з-за моцнага і парывістага ветру па-ранейшаму захоўваецца аранжавы ўзровень небяспекі. МНС раіць жыхарам сталіцы на гэтыя выхадныя ўцяпляцца. Праяўляць асцярожнасць варта і вадзіцелям. Сталічная аўтаінспекцыя ў сувязі з умовамі надвор'я  раіць рухацца больш павольна, пазбягаць рэзкіх манеўраў, вытрымліваць большую дыстанцыю. Тым, хто не паспеў змяніць гуму на зімовую, трэба зрабіць гэта ў найбліжэйшыя дні.

Таццяна Спадабаева, старшы інспектар па агітацыі і прапагандзе АДАІ Партызанскага РУУС г. Мінска: "ДАІ рэкамендуе вадзіцелям выконваць хуткасны рэжым і рухацца з вызначанай хуткасцю. Пры пад'ездзе да пешаходных пераходаў зніжаць хуткасць абавязкова, аж да спынення. Пешаходам таксама рэкамендуюць быць уважлівымі і не парушаць правілы дарожнага руху".

Флікеры - неабходнасць у цёмны час сутак

За наяўнасцю ў пешаходаў флікераў супрацоўнікі ДАІ працягваюць сачыць у рамках акцыі "Стань больш прыкметным". Таксама вядзецца кантроль за ўключэннем вадзіцелямі блізкага святла фар у цёмны час сутак.