ДАІ раіць улічваць стан дарожнага пакрыцця падчас руху

1 марта 2022

Надыход каляндарнай вясны - не нагода для вадзіцеляў спяшацца мяняць шыны на аўто. З сённяшняга дня вадзіцелі, згодна з правіламі дарожнага руху, могуць  выкарыстоўваць летнюю гуму на сваіх транспартных сродках. Аднак улічваючы ўмовы надвор'я і начныя замаразкі, з пераабуваннем аўто супрацоўнікі ДАІ рэкамендуюць не спяшацца.  Пра гэта аўтааматарам інспектары расказваюць падчас рэйдаў.

Пешаходам таксама варта быць максімальна асцярожнымі. Пасля начных замаразкаў  на  тратуарах і пешаходных дарожках  можа ўтварацца слізкае пакрыццё. Перад тым як перайсці дарогу,  трэба ўважліва ацаніць абстаноўку.