Замест палатна і алею – клумба два на два метры, кветкі і расліны. Жывымі фарбамі "малявалі" 11 прэтэндэнтаў на званне "Мінскі майстар".
За стварэннем духмяных сюжэтаў сачыла Аляксандра Драгун. У гэтым мініяцюрным горадзе дамы вышынёй 50 сантыметраў узводзяць з жывых бутонаў і дзіўных раслін. З паўтысячай "будаўнічых матэрыялаў" спрытна спраўляецца Юлія Радзько. 8 гадоў яна ўпрыгожвае сталіцу, у прыватнасці, Першамайскі раён.
Сёння і толькі ў межах спаборніцтва азеляніцелі складваюць кветкавыя пазлы на хуткасць. Дзве гадзіны на тое, каб на аднатонным фоне распусціўся духмяны дыван з кветак і раслін.
Замест палатна і алею – аркуш зямлі 2 на 2 метры, кветкі і расліны. Жывымі фарбамі па чарназёме малююць 11 прэтэндэнтаў на званне "Мінскі майстар". Сюжэты духмяных кампазіцый яны прысвяцілі дзецям. Таму ў парку Горкага ля набярэжнай Свіслачы ажываюць казачныя героі і краіны, міфічныя істоты і карціны мультфільмаў.
Над фігурнымі кветнікамі і шмат'яруснымі кампазіцыямі раслін уздоўж сталічных праспектаў і магістраляў працуюць азеляніцелі "Цэнтра". Сёння ў спецыялістаў з 2-й брыгады стылізаваны сюжэт. З ружовых бягоній і альтэрнантэр яны "вырасцілі"… яблык.
Сёлета конкурс "Мінскі майстар" праходзіць у сталіцы адзінаццаты раз. Штогод батл аб'ядноўвае прадстаўнікоў розных прафесій і спецыялізацый - ад інжынераў-будаўнікоў да ўрачоў-кардыёлагаў. Бадай, адзінымі, хто нязменна сярод канкурсантаў – спецыялісты "Мінскзелянбуда".
"Зялёныя будаўнікі" на дзень сталі вучнямі. Як у студэнцкія гады яны цягнулі білеты з тэарэтычнымі пытаннямі, каб пасля пачаць практыку.
Сёлета ў конкурсе 40 прафесій. Да фінішу застаецца паўтара месяца і палова спецыяльнасцяў, сярод якіх рабочы па комплексным прыбіранні дваровых тэрыторый, хаус-майстры, спецыялісты па тэхабслугоўванні будынкаў. А запаветны тытул галоўнага майстра сталіцы пераможцы атрымаюць у верасні.
