Форум "Браслаўскія зарніцы" 56-ты раз аб'яднаў лепшыя творчыя калектывы нашай краіны і замежжа. Гэта адзін з найстарэйшых фестываляў Беларусі.
На папулярны курорт прыехалі прадстаўнікі Расіі, Кітая, Латвіі, а таксама Італіі. Асноўнай лакацыяй стала сцэнічная пляцоўка "Леснічоўка". "Браслаўскія зарніцы" з песеннага конкурсу перарос у грандыёзнае свята традыцыйнай культуры.
Самыя яркія выступленні наперадзе. Увечар гасцей чакаюць і на тэрыторыі старажытнага гарадзішча "Замкавая гара". Тут пройдзе свята сярэднявечнай культуры.
