Фан-зона ў Гомелі прымае аматараў спорту ва ўсе дні II Еўрапейскіх гульняў

25 Чэрвеня 2019

Фан-зоны ў рэгіёнах жывуць у адным рытме са сталіцай. У кожным абласным цэнтры штодня пад адкрытым небам праходзяць прамыя трансляцыі II Еўрапейскіх гульняў. У Гомелі карцінку высокай выразнасці перадае палатно памерам 7 на 4 метры. А ў перапынках канцэртныя выступленні лепшых калектываў горада і паказальныя юных спартсменаў. У рэжыме нон-стоп таксама фуд-корт амаль на 90 квадратных метраў і фотазоны.

Дзмітрый Церашкоў, жыхар г. Гомеля: "Дома хай сядзяць гультаі. А мы лепш разам з сям'ёй паглядзім, як людзі адпачываюць, і самі правядзем цалкам выдатна час. Спорт, я думаю, - гэта галоўнае для нашых дзяцей, для нас для саміх, хоць я сам не надта атлетычны, але сам люблю, у баскетбол гуляў у школе, плаваннем займаўся, дзіця навучу, калі падрасце".

Анастасія Чарняк, жыхарка г. Гомеля: "Гэта сапраўды цікава. Гэта цікавей, чым сядзець дома. Я спорт вельмі люблю. Гэта дзіўна. Усё шыкоўна. Усё мне вельмі падабаецца".

Фан-зона ў Гомелі будзе прымаць аматараў спорту ва ўсе дні Еўрапейскіх гульняў. У дзень закрыцця арганізатары абяцаюць вогненнае шоу, танцавальны марафон і выступленні беларускіх артыстаў.


Зараз чытаюць

Рэкамендуемыя