Брэсцкая вобласць. На фермах у адной з гаспадарак проста антысанітарныя ўмовы. Зрэшты, як высветлілася, бруд тут - не самае страшнае. Карміць жывёлін практычна няма чым.
У прычынах нядбалага стаўлення разбіралася Вікторыя Патоня.
Гэтыя шакіруючыя кадры прадаставіла нашай здымачнай групе працаўніца ветэрынарнай службы СВК Арэпічы. Каровы ў загонах у літаральным сэнсе тонуць у брудзе. Адну рагулю прыйшлося выцягваць з балота, у якое ператварылася пляцоўка для выпасу.
Парадокс, але сітуацыю ў Арэпічах крытычнай не лічаць. Кіраўнікі комплексу ўпэўніваюць, што гэта нібыта адзінкавы выпадак.
Відавочна, што такі пласт бруду ўтварыўся не за адзін дзень. Намеснік старшыні СВК наракае - працаваць няма каму, тэхнікі не хапае, недастаткова фінансавых сродкаў. І называе яшчэ адну - асноўную прычыну безгаспадарлівасці.
Ветэрынары правялі экспертызу і высветлілі: цельная карова загінула таму, што ў жывёліны было слабае сэрца. Напрошваецца пытанне: можа, не вытрымала такога абыходжання? Пляцоўкі для выпасу не падсыпаюцца своечасова. Цяляты не могуць адважыцца пакінуць будынак, каб выйсці на вуліцу. А калі і гуляюць, дык вось так.
Як бачым, у гэтай гаспадарцы каровы не толькі ўтрымоўваюцца ў антысанітарных умовах, але і рацыён іх дастаткова бедны. Асноўная страва ў меню - салома. Гэты корм вымушаны есці і цяляты.
Як ні дзіўна, тут упэўненыя - утрыманне жывёлін цытата: амаль ідэальнае.
Як вынік такога ідэальнага ўтрымання - больш за паўсотню галоў падзяжу за два месяцы. Прычым, 49 выпадкаў, канстатуюць рэвізоры, наўмысна не пазначаны ў справаздачах.
Юлія Трапец, галоўны спецыяліст Камітэта дзяржаўнага кантролю Брэсцкай вобласці: Камітэт дзяржаўнага кантролю выехаў на месца і быў пацверджаны факт такога ўтрымання ў неспрыяльных умовах. Гэта значыць, жывёлы знаходзіліся ў брудзе. Таксама падчас маніторынгу выяўлена шэраг прыпісак па дзяржаўнай статыстычнай справаздачнасці. У бок завышэння па сярэднесутачных прыбаўках і паніжэння ў бок колькасці загінуўшых жывёлін фактычна.
І толькі прысутнасць кантралёраў і нашай здымачнай групы прымусіла кіраўнікоў комплексу правесці незапланаваны суботнік. Што перашкаджала зрабіць гэта раней - пытанне рытарычнае. За нядбалае стаўленне да жывёл вінаватым пагражае як мінімум вымова.
