Этап вучэнняў АДКБ "Пошук-2019" стартуе ў Беларусі

Аператыўна-стратэгічныя манеўры АДКБ "Баявое братэрства - 2019" перамясціліся ў Беларусь. Сёння на палігоне Баранавіцкі пачнуцца спецыяльныя вучэнні "Пошук-2019". У гэтым этапе будуць задзейнічаныя сілы і сродкі разведкі з Беларусі, Арменіі, Казахстана, Кыргызстана, Расіі і Таджыкістана. Асноўны ўпор - на вядзенне разведкі і выкананне баявых задач ва ўмовах, якія мяняюцца. Нагадаем, напярэдадні на расійскім палігоне Муліна завяршылася першая фаза манеўраў "Эшалон". Удзел прынялі каля 900 вайскоўцаў з 6 краін - членаў АДКБ.