Зусім хутка агонь ІІ Еўрапейскіх гульняў прыбудзе ў Мінск - сталіцу спаборніцтваў, а пакуль маршрут працягваецца па Гомельскай вобласці.
Сёння "Полымя міру" прыбыло да беларускіх металургаў - караван факеланосцаў даставіў яго ў Жлобін з Гомеля. На пляцоўцы ля Лядовага палаца гасцей сустракалі больш за дзве тысячы жыхароў горада чарадой флэшмобаў, затым агонь пранеслі па вуліцах да стальнога сэрца Беларусі - металургічнага завода і прадоўжылі маршрут па цэхах прадпрыемства.
Затым эстафета накіравалася да старажытнай сядзібы Козел-Паклеўскіх: факел пад гукі жывой класічнай музыкі пранеслі і па паркавым комплексе, і па інтэр'ерах ХIX стагоддзя ўнутры сядзібы.
На паўднёвым усходзе Беларусі агонь прабудзе да 10 чэрвеня. Заўтра факел даставяць у Нацыянальны парк "Прыпяцкі", а далей маршрут пройдзе праз Тураў і Мазыр. У цэлым "Полымя міру" пераадолее 7700 кіламетраў. Канчатковым пунктам стане сталічны стадыён "Дынама", дзе і будзе дадзены старт ІІ Еўрапейскім гульням.
Эстафета "Полымя міру" набліжаецца да кульмінацыі
7 июня 2019