Жорсткую палітыку ў адносінах да бежанцаў ізноў дэманструюць літоўскія сілавікі. Сёння ў Гродзенскай вобласці беларускія пагранічнікі выявілі трох грамадзян Сірыі. Пра гэта паведамляе Пагранкамітэт нашай краіны. Іншаземцы распавялі, што іх затрымалі на тэрыторыі Літвы, збілі гумовымі палкамі і прымянілі электрашокер, затым сілком выштурхалі на тэрыторыю нашай краіны. Беларускія пагранічнікі аказалі першую дапамогу.
Нягледзячы на крытыку міжнародных праваабарончых арганізацый, Літва працягвае непрыкрыта парушаць усе нормы гуманітарнага права з маўклівай згоды Еўрасаюза.
