У расійскай сталіцы ў гэтыя дні ва ўсёй красе прадстаўляе сябе беларускі лёгпрам. Прычым, не дзе-небудзь, а на Маскоўскім тыдні моды. Не сказаць, што беларусы там пачаткоўцы. На подыуме рэгулярна з'яўляюцца калекцыі нашых дызайнераў. Але ў тым і справа - раней былі толькі дызайнеры, а сёння - цэлая беларуская вытворчасць. Ды яшчэ і з гучнымі імёнамі. З Масквы рэпартаж Максіма Кароткіна.
Упершыню ў гісторыі беларускага лёгпрама прамысловая кампанія сегмента мас-маркет выводзіць свой брэнд на Маскоўскі тыдзень моды. Да гэтага на Moscow Fashion Week Беларусь была прадстаўлена выключна асобнымі дызайнерамі.
Супрацоўніцтва Айплатава і "Элемы" відавочна пайшло на карысць усёй айчыннай лёгкай прамысловасці. Гледачы, якія запоўнілі нават стаячыя месцы, яшчэ да пачатку паказу ўпэўнена ідэнтыфікавалі брэнд як беларускі. Экспазіцыя жаночай вопраткі з Беларусі была як бы падзелена напалам. Калі ў зале для паказу дэфілявалі мадэлі ў вясновай калекцыі, то ў шоу руме месца было адведзена ўсё яшчэ актуальнай восені.
Актрыса Алеся Судзілоўская на стэндзе кампаніі правяла некалькі хвілін, але паспела падабраць сабе абноўку з беларускай калекцыі. А вось Эвеліна Блёданс элемаўскім мадэлям надала даволі шмат часу. Паколькі выбірала абноўку не толькі сабе.
У новай вясновай калекцыі ад папулярнага беларускага брэнда гледачы не ўбачылі ўласцівых шматлікім модным паказам дзёрзкасці і эпатажу. Зрэшты, і задачы такой перад мадэльерам не стаяла. Дастаткова таго, што беларуская вопратка мас-сегмента выклікае апладысменты на сусветнай моднай пляцоўцы.
