Эксклюзіўны рэпартаж аб малой радзіме Сі Цзіньпіна глядзіце заўтра ў "Галоўным эфіры"

15 Чэрвеня 2019

Заўсёды цікава, дзе і як ідзе станаўленне будучых лідараў і вялікіх сусветных палітыкаў. І вось калі малая радзіма беларускага Прэзідэнта нам усім добра вядомая, то родныя месцы кіраўніка Вялікага Кітая наўрад ці. 

Мой калега Ян Пашкевіч вырашыў папоўніць гэты прабел. Пабываў у горнай вёсцы Лянцзяхэ - гэта некалі вельмі бедны раён Паднябёснай, дзе прайшло дзяцінства юнага Сі Цзіньпіна. Чаму будучаму Старшыні КНР давялося некалькі гадоў жыць у пячорах, а таксама - як выйшла, што яго першая сустрэча з жыхарамі вёскі не задалася? З чаго пачынаўся шлях лідара сучаснага Кітая. Такім чынам, эксклюзіўны рэпартаж ужо заўтра ў "Галоўным эфіры".