Менш за тры гадзіны з Гомеля да Мінска з вай-фаем і ў прасторным салоне швейцарска-беларускага цягніка. Амаль пяць гадзін дарогі скарацілі да дзвюх гадзін 59 хвілін. І тут, калі ласка, таксама швейцарская дакладнасць. "Штадлер" адправіўся роўна ў 7 раніцы. Першым пасажырам уручылі памятныя сувеніры. Вагоны разлічаныя на 382 месцы для сядзення, 16 з якіх аб'яднаныя ў зону павышанай камфортнасці - г. з., як у самалёце, можна заказаць ежу прама да пасадачнага месца. Цэны больш чым даступныя. Месцы на рэйс Гомель - Мінск для першага класа ледзь больш за 11 рублёў, для другога класа - 8. Новую электрычку пусцілі на самым пасажыранапружаным участку краіны. Такі састаў каштуе парадку 10 мільёнаў еўра.
Дарэчы, запуск цягніка менавіта на гэтым тыдні атрымаўся сімвалічным. Як раз сёння чыгуначнікі адзначаюць прафесійнае свята. А вось які ўпадабаны маршрут у начальніка чыгункі? Уладзімір Марозаў даў эксклюзіўнае інтэрв'ю "Галоўнаму эфіру" і правёў экскурсію па новым электрацягніку. Эксклюзіў праграмы.
