ВУП Беларусі да 2025 года павінен павялічыцца ўдвая і дасягнуць 100 мільярдаў долараў. Пра гэта ў эксклюзіўным інтэрв'ю нашаму каналу "Беларусь 1" заявіў першы віцэ-прэм'ер Беларусі Аляксандр Турчын. Савет Міністраў у новым складзе збярэцца ў найбліжэйшы аўторак і разгледзіць прагноз сацыяльна-эканамічнага развіцця на наступны год.
У гэтым дакуменце традыцыйна акрэслены пункты росту эканомікі і лічбы, да якіх будзем імкнуцца. Асноўны драйвер стварэння новых рабочых месцаў - гэта малы і сярэдні бізнес. Бо не ў кожным рэгіёне ёсць буйныя прамысловыя прадпрыемствы, а пытанні працаўладкавання трэба вырашаць. Да таго ж развіццё бізнесу - гэта і прыбаўка ў дзяржказну, і рост эканомікі ў цэлым. Як вядома, стаўка таксама робіцца на IT-сектар, сферу паслуг і лагістыку.
Лічбавая эканоміка, IT-сектар і новыя ініцыятывы ўрада па развіцці прадпрымальніцкай ініцыятывы. Эксклюзіўнае інтэрв'ю першага намесніка прэм'ер-міністра Беларусі Аляксандра Турчына ў "Галоўным эфіры" ў гэтую нядзелю на "Беларусь 1".
