Двухмільённага пасажыра авіякампаніі "Белавія" сустрэлі сёння ў Нацыянальным аэрапорце Мінск. Уладальніцай шчаслівага білета стала мінчанка, якая вярнулася з Амстэрдама.
У мінскім аэрапорце ў падарунак дзяўчыне ўручылі залатую карту "Белавія Лідар" - гэта магчымасць лётаць бізнес-класам, дадатковыя кілаграмы багажу і зала чакання павышанай камфортнасці. Сёлета беларуская авіякампанія паставіла рэкорд па колькасці пасажыраў за ўвесь час сваёй працы. Першы мільён перавозчык зарэгістраваў пяць месяцаў таму. Усяго ж па выніках года авіякампанія плануе перавезці прыблізна 2 085 000 чалавек.
Вольга Гудцова, двухмільённы пасажыр авіякампаніі "Белавія": "Купіла білет дзесьці два тыдні таму ў авіякампаніі "Белавія". Вядома, не разлічвала на тое, што стану двухмільённым пасажырам. Але, як бачыце, лёс сыграў сваю ролю. Я заўсёды марыла стаць сцюардэсай, а стала двухмільённым пасажырам".
Ігар Чаргінец, намеснік гендырэктара авіякампаніі "Белавія": "Нам было цяжка, але мы папрацавалі з транзітнымі патокамі, мы папрацавалі з тарыфамі. Толькі тарыфы былі сёлета паніжаныя на 20%. Гэта дало свой эфект. Мы адкрылі новыя кірункі, мы адкрылі рэйсы ў Алмату, у Адэсу, павялічылі частоты выконваемых рэйсаў. У нас у запасе ляжыць цэлы шэраг кірункаў, як у краіны СНД, так і ў краіны Еўропы".
Так, ужо ў гэты чацвер беларускі авіяперавозчык пачынае лётаць у Харкаў. А з 22 снежня запланавана адкрыццё дадатковага рэйса ў Міжнародны аэрапорт Кіеў.
