Рух транспарту на ўчастку вуліцы Ульянаўскай у сталіцы ў раёне стадыёна "Дынама" закрыюць з пачатку снежня. Застануцца толькі трамваі.
З 8-га снежня і да канца красавіка на Ульянаўскай - ад Свярдлова да Беларускай - будуць праходзіць дарожныя работы па пашырэнні праезнай часткі. Рух аўтобусаў і аўтамабіляў на гэтым участку дарогі закрыюць на 5 месяцаў. Трамваі маршрутаў № 1, 4 і 7 будуць як і раней перавозіць пасажыраў.
Пасажыры з безлімітным праязным дакументам на аўтобус да канца года без дадатковай аплаты змогуць ездзіць на трамваях ад стадыёна "Дынама" да плошчы Мяснікова.
