Навіна, якая ўчора прымусіла пахвалявацца ўсіх беларусаў. Нашы турысты, што трапілі ў сур'ёзную аварыю ў Польшчы, ужо вярнуліся дахаты. Запасны аўтобус перасёк мяжу ў "Брузгах" літаральна за лічаныя хвіліны. У Гродне іх сустракалі сваякі і калегі - яны спецыяльна прыехалі глыбокай ноччу, каб развесці сяброў па дамах.
Аляксандр Громаў, турыст: "Маё самаадчуванне выдатнае. Група адчувае сябе нармальна. Калі адчулі, што адбылася аварыя, пачалі выходзіць з аўтобуса, дапамагаць адно аднаму. Спачатку выйшлі дзеці, жанчыны. Потым выйшлі мужчыны".
Андрэй Лявута, жыхар г. Гродна: "Пісаў па вайберы - адказу не было. Вядома, хваляваліся. Адразу ж цікавіліся і са сваякамі звязваліся - супакойвалі, што ўсё нармальна, усё добра. Слава Богу, што ўсе жывыя. Гэта самае галоўнае, а здароўе прыбавіцца, усё нагонім - усё будзе добра".
Нагадаем, аварыя адбылася напярэдадні раніцай на ўчастку польскай трасы Варшава - Лодзь. Група беларускіх турыстаў вярталася з экскурсійнай паездкі ў Прагу. У салоне знаходзілася больш як 40 чалавек, у тым ліку і некалькіх падлеткаў. Аўтамабіль з'ехаў у кювет. 20 пасажыраў былі шпіталізаваныя, а адну жанчыну на верталёце адправілі ў бальніцу Варшавы. Польская паліцыя ўстанаўлівае прычыну ДТЗ. У Беларусь вярнуліся не ўсе турысты - 8 чалавек усё яшчэ знаходзяцца пад назіраннем польскіх медыкаў.
