Дакументальны фільм "Яны забівалі анёлаў" выйдзе на "Беларусь 1" 11 красавіка

8 Красавіка 2018

Выбудоўваючы трывалы падмурак адносін на далёкай дузе, фарміруючы новыя пункты апоры і падушкі бяспекі і ўмацоўваючы двухбаковы патэнцыял з найбліжэйшымі суседзямі, мы не забываем урокаў мінулага, без якога не можа быць будучыні.

Пачатак наступнага тыдня адзначаны ў гісторыі знакавай датай. 11 красавіка свет успамінае вязняў фашысцкіх канцлагераў. У гэты дзень больш як 70 гадоў таму быў вызвалены лагер смерці Бухенвальд. Праўда, яшчэ да прыходу амерыканцаў зняволеныя змаглі самі раззброіць ахову і ўзяць лагер пад свой кантроль.

Калі гаварыць аб колькасці тых, хто прайшоў праз вароты смерці, то тут і зусім страшныя лічбы - больш як 18 мільёнаў чалавек, з іх 11 мільёнаў былі знішчаныя. Кожны пяты вязень быў дзіцем, і сёння менавіта яны - жывыя сведкі для нашага пакалення.

Агенцтва тэленавін падрыхтавала да эфіру дакументальны фільм "Яны забівалі анёлаў", які вы ўбачыце на "Беларусь 1" у сераду, адразу пасля "Панарамы". Размова пойдзе аб найбуйнейшым нацысцкім лагеры Асвенцім. Аўтары праекта сустрэліся з тымі, хто на свае вочы бачыў, як спальвалі людзей, а таксама знайшлі ўнікальныя дакументы аб беларусах, якіх цэлымі эшалонамі адпраўлялі на поўдзень Польшчы.