Больш за ўсіх свята і навагодняга цуду чакаюць самыя маленькія беларусы. Добрая акцыя "Нашы дзеці", якая дорыць не толькі падарункі, але і ўвагу і добры настрой, прыцягвае ўсё больш неабыякавых людзей.
Сёння Кіраўнік Адміністрацыі Прэзідэнта Аляксандр Косінец павіншаваў з надыходзячым Новым годам выхаванцаў сацыяльна-педагагічнага цэнтра Аршанскага раёна. Тут вучацца і жывуць дзеці-сіроты, а таксама дзеці, пакінутыя без апекі бацькоў. Аляксандр Косінец пажадаў ім моцнага здароўя і дабрабыту. Усе атрымалі наборы ласункаў. Але галоўным навагоднім падарункам стаў тэлевізар.
Аляксандр Косінец, Кіраўнік Адміністрацыі Прэзідэнта Беларусі:
"Калі мы гаворым пра акцыю "Нашы дзеці", мы яшчэ раз дэманструем: трэба ўвесь час клапаціцца аб дзецях, аб іх выхаванні. Каб у выніку ў нас сфарміраваўся наймагутны чалавечы капітал. Адукаваныя, здаровыя, прафесійна падрыхтаваныя людзі".
