Сёння ў Доме ўрада галасуюць за бюджэт будучага года. На парадаку дня таксама новая рэдакцыя Падатковага кодэкса. Дакументы традыцыйна прымаюць напрыканцы года. Абноўленыя нормы закона павінны запрацаваць з 1 студзеня.
У гэтыя хвіліны ў парламенце дэпутаты адкрываюць пасяджэнне.
На сувязь са студыяй выходзіць наш карэспандэнт Вольга Анішчанка.
Бюджэт і Падатковы кодэкс паступілі ў парламент напярэдадні. Дакументы ўжо прайшлі першае чытанне. Чакаецца, што сёння дэпутаты паставяць кропку: канчаткова адобраць і бюджэтны пакет, і новыя фіскальныя падыходы.
Без сумнення: бюджэт будзе прафіцытным. Г. зн. яго даходная частка перавысіць выдаткі. Гэтую розніцу накіруюць галоўным чынам на пагашэнне пазыковых абавязацельстваў краіны.
Па-другое, у аснове падыходаў да фарміравання дзяржказны т. зв. кансерватыўны сцэнарый. Г. зн. урад браў у разлік сціплыя ключавыя паказчыкі без вельмі аптымістычных прагнозаў развіцця эканомікі. У выніку галоўныя лічбы склаліся з разліку росту эканомікі на 2 % з невялікім, інфляцыі - на ўзроўні 5 % і стаўкі рэфінансавання ў 10 п. п. Акрамя таго, больш кансерватыўныя ў ацэнках былі і адносна кошту нафтавага бараля, а таксама дамоўленасцяў па падатковым манеўры для Беларусі. Г. зн. магчымую кампенсацыу ад Расіі, па якой дагэтуль няма дакладнасці, у бюджэце не ўлічвалі.
Варта сказаць, што сацыяльная скіраванасць бюджэту - тое, чаго прытрымліваецца Беларусь, - захавалася. На гэтым дэпутаты напярэдадні зрабілі асаблівы акцэнт.
У гэтыя хвіліны ў Доме ўрада ўжо пачалі разгляд дакументаў. Важна паспець аператыўна завяршыць гэтую работу, паколькі слова дэпутатаў усё ж не апошняе.
Бюджэт і Падатковы кодэкс яшчэ павінны адобрыць сенатары. Дакументы прапануюць ім у чацвер. Яны стануць фінальнымі ў парадку дня гэтай восеньскай сесіі. Яна закрыецца 20 снежня яшчэ і сумеснай работай дэпутатаў і сенатараў: урад пад заслону года дасць справазадачу аб сваёй працы. З упорам на цяжкі - прамысловы - сектар эканомікі.
