Як і планавалася, раніцай аднавіліся безнаяўныя разлікі па банкаўскіх картах, а банкаматы запрацавалі на выдачу новых купюр. Падключаны мабільны і інтэрнэт-банкінг.
А заўтра ў звычайным графіку адкрыюцца аддзяленні банкаў. Сёння на ўсе пытанні сваіх кліентаў яны адказваюць дыстанцыйна. Кожны банк гэта робіць з дапамогай кантакт-цэнтраў. Сёння і ў выхадныя яны будуць працаваць у пашыраным складзе. Дзяжурства аператараў на тэлефонах пройдзе нават у выхадныя.
Андрэй Корбут, дырэктар кантакт-цэнтра ААТ "АСБ Беларусбанк":
"Сёння на першае месца выйшлі пытанні, што працуе, дзе можна зняць грошы, дзе можна памяняць грошы, як заплаціць за паслугі. Са спецыфічных пытанняў людзей цікавіць, дзе набраць манетак. Бо банк сёння не працуе, сёння банк займаецца дэнамінацыяй, г.зн. праводзіць пералік укладаў, пералік крэдытаў, то касы не працуюць. А ў прынцыпе людзі, дзе могуць знайсці грошы? Хутчэй за ўсё, дзесьці ў гандлі, гэта значыць атрымаць рэшту. Альбо ў абменніку".
Кантакт-цэнтры сёння адказваюць на пытанні кліентаў і ў пісьмовым выглядзе. З дапамогай анлайн-чатаў. Аператары ў рэжыме рэальнага часу растлумачваюць беларусам, як у найбліжэйшыя дні будзе арганізавана праца банкаўскага сектара ў сталіцы і рэгіёнах.
