Сем мільярдаў рублёў на падрыхтоўку да школы. Грашовую дапамогу да навучальнага года атрымаюць шматдзетныя сем'і. Пра гэта сёння нам паведамілі спецыялісты камітэта па працы, занятасці і сацыяльнай абароне падчас прамой тэлефоннай лініі. Сёлета дапамогу памерам 400 тысяч рублёў атрымаюць 14 тысяч школьнікаў. Увогуле больш за 9 тысяч шматдзетных сем'яў сталіцы атрымліваюць дадатковую сацыяльную падтрымку. Дарэчы, колькасць шматдзетных сем'яў у Мінску з кожным годам павялічваецца. Сёлета іх стала больш амаль на пяцьсот.