Дзень работнікаў нафтавай, газавай і паліўнай прамысловасці адзначаюць сёння ў Беларусі. Гэта геолагі і буравікі, распрацоўшчыкі і будаўнікі, транспартнікі і тэхнолагі. Прэзідэнт павіншаваў іх з прафесійным святам. Нафтагазавая сфера - адна з ключавых галін у цяжкай індустрыі Беларусі. За апошнія гады прадпрыемствы выйшлі на якасна новы ўзровень развіцця - іх прадукцыя запатрабаваная і на ўнутраным, і на знешнім рынках. Пра вынікі, планы і найбліжэйшыя перспектывы энергетыкаў раскажа Аліна Лапо.
Паліўна-энергетычны комплекс адыгрывае важную ролю ў развіцці нацыянальнай эканомікі і ўмацаванні энергетычнай бяспекі краіны. Адзін з прыярытэтных кірункаў галіны - газіфікацыя. У гэтай сферы працуе больш за 20 тысяч чалавек. Сёння блакітнае паліва ў кожным рэгіёне Беларусі. Гэта каля 64 тысяч кіламетраў газавых сетак. Апошні час у галіне асаблівая ўвага аўтаматызацыі. Канчатковая мэта - у рэжыме рэальнага часу адсочваць усе асноўныя параметры працы сістэм.
Торфапрадпрыемствы плануюць здабыць каля 11 млн тон торфу да 2025 года
Альтэрнатыва прыроднаму газу - торф. Тут патэнцыял вялікі, за год каштоўнага арганічнага рэсурсу здабываюць каля 1,5 мільёна тон. 20 % ідзе на экспарт у 25 краін свету. На пяцігодку паставілі новую планку - 11 мільёнаў тон.
Выкарыстанне мясцовых відаў паліва будзе пашырацца
Выкарыстанне мясцовых відаў паліва ідзе дастаткова інтэнсіўна. Ужо шмат зроблена для развіцця не толькі тарфяной прамысловасці, таксама і гідраэнергетыкі, рэалізаваны буйныя праекты ў сферы ветра- і сонечнай энергетыкі. Шырокая лінейка энерганосьбітаў дазволіць умацаваць энергабяспеку краіны, а выкарыстанне ў якасці паліва, напрыклад, біямасы вырашыць пытанні экалогіі.
Асноўная праца зараз у галіне надаецца перспектыўным кірункам. Пралічваецца пры гэтым і эканамічная выгада. Што датычыцца цвёрдых камунальных адходаў, то праз 15 гадоў плануюць давесці іх выкарыстанне да 90 %.
