Дзелавы, пазнавальны, настальгічны і гастранамічны турызм з'явіліся ў Мінску

Сталічныя гасцініцы актыўна рыхтуюцца да навагодніх святаў. У гэты перыяд наплыў турыстаў у краіну павялічваецца ў разы, таму да іх сустрэчы гатэлі прыдумваюць шмат навінак. З іх ліку - турыстычныя пакеты. Дэтокс-выхадныя ў СПА, гастранамічны тур ці верталётныя прагулкі ў навагоднюю ноч ўключаны.

Надзея Сербіненка ўжо ведае падрабязнасці навагодняй праграмы.

У мінулы ўікенд амаль усе сталічныя гатэлі, нават буйныя, маглі пахваліцца стапрацэнтнай загрузкай. А гэта - галоўны паказчык зацікаўленасці ў Беларусі. Турыстаў і бізнесменаў з іншых краін з кожным днём прыязджае ўсё больш.

Бізнес-турызм сёння выйшаў на новы ўзровень. Сёлета ў Мінску з'явіліся гасцінічныя сеткі з сусветным імем. Для бізнес-турыстаў гэта своеасаблівае пацверджанне: інвестыцыйны клімат у гэтай краіне - на належным узроўні.

Тэматычныя бранчы і аўтарская кухня ад шэфа з сусветным імем. Яшчэ адзін тып турызму - гастранамічны - пачынае развівацца ў Мінску. Шэф-кухар гатэля - італьянец Даніэле К'яры - ужо заслужыў давер у пастаяльцаў бездакорным смакам страў і фантазійнай падачай. Шэф прадумаў і навагодняе меню.

Даніэле К'яры, шэф-кухар рэстарана гатэля: Мая любімая страва - не з італьянскай кухні. Гэта мікс розных кулінарных традыцый. Мне вельмі падабаецца выкарыстоўваць спецыі. І злучаць у адной страве розныя смакі, напрыклад, салодкі і кіслы.

Натуральныя інгрэдыенты, нятлустае мяса і больш гародніны. Дыетычныя стравы зараз у модзе. Нават на святочным фуршэце.

Турыстаў у навагоднюю ноч будуць здзіўляць не толькі забавамі, але і аўтарскай кухняй. Сёлета шэф-кухар зробіць акцэнт на лёгкія стравы: трус, цяляціна і траска абавязкова будуць на навагоднім стале.

Пазнавальны турызм добра ўвасобілі ў самым дарагім гатэлі Мінска. Дапамагае не толькі размяшчэнне ў гістарычным цэнтры горада, але і правільны маркетынгавы падыход. У абноўленым спісе паслуг індывідуальныя экскурсіі па сталіцы і ўсёй краіне на транспарце гатэля і верталётныя прагулкі.

Дзе можна запісацца на навагоднюю СПА-праграму і правесці рамантычныя выхадныя? Чаму турыст са стажам з Англіі зноў вяртаецца ў Мінск? Адказы - у нядзелю, у праграме Твой горад.