Часам ад пісьменных і аператыўных дзеянняў праваахоўнікаў залежыць лёс чалавека і нават цэлых сем'яў. Але вось што адбываецца ў дзяжурнай часці ў той момант, калі мы набіраем нумар 102? Бо за простым для нас званком - суладныя дзеянні некалькіх ведамстваў. Аб працы дыспетчараў службы - у нашай рубрыцы "Справа маладых".
Адзіная жанчына ў краіне на пасадзе старшага аператыўнага дзяжурнага працуе тут, у Салігорскам РУУС. Мы прывыклі, што міліцыя - гэта мужчынская прафесія, аднак у гэтым аддзеле на дзяжурных сутках усё залежыць ад жаночага полу.
Вольга Рагалевіч прыйшла ў міліцыю 9 гадоў назад, з таго часу зносіны з людзьмі - яе праца. Даць дакладную інфармацыю, падказаць нумар тэлефона і самае галоўнае - дапамагчы чалавеку, калі яму пагражае небяспека. Вольга знайшла і падыход да людзей, і разуменне. Яе метады работы амаль хрэстаматыйныя, а жаночы погляд робіць складаную міліцэйскую службу яшчэ больш паспяховай.
Салігорскі раён - чацвёрты ў краіне па шчыльнасці насельніцтва. Рэгіён складаны, гавораць міліцыянеры. За суткі на пульт дзяжурнага па лініі 102 бывае да 400 званкоў.
Аказаць дапамогу трэба ў кожным восьмым выпадку. Пік праблем прыпадае на лета. Па выніках працы Вольга Рагалевіч стала лепшым супрацоўнікам аператыўна-дзяжурнай службы міліцэйскіх падраздзяленняў Мінскай вобласці. І сёння дзяўчына працягвае працаваць на сваёй пасадзе, у тым ліку і адказваць на званкі.
