Ставіць перад сабою амбіцыйныя мэты і ўпэўнена іх дабівацца. Па такім прынцыпе жыве і працуе Карына Аруцюнян. Выпускніца сельскагаспадарчай акадэміі ў Горках пасля размеркавання трапіла ў адну з гаспадарак Стаўбцкоўскага раёна. І там за кароткі тэрмін выявіла сябе як неардынарны малады спецыяліст. Кар'ерны рост не прымусіў сябе доўга чакаць. Зараз дзяўчыне ўсяго 26 гадоў, але яна ўжо намеснік дырэктара. Спраў у гаспадарцы шмат і ўлетку, і ўзімку, але на сустрэчу са здымачнай групай Карына знайшла час.
Як Карына Аруцюнян праводзіць азнаямленчую экскурсію па ферме. Абавязковая частка праграмы - знаёмства з самымі маленькімі падапечнымі - цялятамі ў дзіцячым саду.
Ужо два гады Карына працуе ў гэтай гаспадарцы ў Стаўбцкоўскім раёне. Выпускніца Горацкай сельгасакадэміі - па спецыяльнасці юрыст і бухгалтар, на размеркаванні сама папрасілася менавіта ў гэты раён, хоць родам з Магілёўскай вобласці.
Неўзабаве малады спецыяліст пайшла на павышэнне і стала намеснікам дырэктара ў суседнім Жацераве, тым самым разбурыўшы ўсе стэрэатыпы аб кадравай стратэгіі ў сельскай гаспадарцы. У планах у маладога кіраўніка далейшае развіццё гаспадаркі. Ужо вызначаны капітальны рамонт мехдвара, закуп новага абсталявання і, вядома, выхад на новыя магутнасці і паказчыкі.
