Урад зацвердзіў парадак аднясення працаздольных грамадзян да незанятых у эканоміцы. А таксама вызначыў прынцыпы фарміравання базы звестак гэтай катэгорыі асоб.
Ключавая роля тут адведзена мясцовым органам улады. Для гэтага прадугледжваецца стварэнне пастаянна дзеючых камісій, асноўныя задачы якіх - садзейнічанне грамадзянам у працаўладкаванні. Плануецца шчыльная праца камісій з наймальнікамі і дзяржорганамі і дапамога з працаўладкаваннем у кожным раёне. У іх функцыі будзе ўваходзіць фарміраванне спісу працаздольных, якія не працуюць, знаходзіць для іх легальны заробак на прадпрыемстве або арганізацыі, разглядаць заявы часова непрацуючых. А тым, хто не жадае працаваць, прыйдзецца пакрываць аплату за некаторыя паслугі, што аказвае дзяржава, у поўным аб'ёме.
Аб навацыях дакументаў нашаму карэспандэнту Святлане Лук’янюк распавёў першы намеснік міністра працы і сацабароны Андрэй Лабовіч.
Да гэтай тэмы мы будзем вяртацца не раз. Меркаванні экспертаў, аналіз дакументаў, што рэгламентуюць працаўладкаванне, мае калегі прааналізуюць у выніковай праграме "Галоўны эфір" у гэту нядзелю.
