Праблема паркоўкі аўтамабіляў каля прыпынкаў грамадскага транспарту па-ранейшаму застаецца вострай у сталіцы. На адным з ажыўленых участкаў дарог Дзяржаўтаінспекцыя прапанавала ўстанавіць штучныя раздзяляльныя канструкцыі. Наша здымачная група ацаніла перавагі эксперыменту.
За гэтым незвычайным словам - дзелініятары - хаваецца даволі звычайны сэнс. Штучныя бардзюры, якія выкарыстоўваюцца ў якасці дарожнай разметкі, знайшлі сваю так званую прапіску на вуліцы Ціміразева.
Згодна з правіламі дарожнага руху, першая паласа лічыцца спецыяльна адведзенай для грамадскага транспарту. Аднак такое правіла разлічана больш на сумленне вадзіцеляў. Канструктыўна ж дадзеную праблему вырашаць вось такія раздзяляльныя ўстаноўкі.
Месца для эксперымента ноу-хау выбрана невыпадкова.
Анастасія Рэдзька, старшы інспектар па агітацыі і прапагандзе АДАІ УУС адміністрацыі Цэнтральнага раёна г. Мінска: Супрацоўнікамі ДАІ было аштрафавана больш за 500 уладальнікаў транспарту за парушэнне правіл прыпынку і стаянкі, але дадзеная мера не давала значных вынікаў. Таму было прынята рашэнне ўсталяваць на дадзеным участку дзелініятары, выдзеліць першую паласу для руху грамадскага транспарту.
Вострае пытанне не па правілах прыпаркаваных аўто цягне яшчэ не менш праблемнае - адставанне аўтобуснага маршруту ад графіка. А гэта ўжо выклікае незадавальненне пасажыраў. Але думкі наконт незвычайных установак неаднолькавыя нават у саміх вадзіцеляў транспартных сродкаў.
Андрэй - вадзіцель са стажам, курсіруе па гэтым маршруце штодзень. Ацэнку такой з'яве дае станоўчую. Але лічыць, што вырашэнне гэтай праблемы, у большасці сваёй, залежыць ад кожнага ўдзельніка дарожнага руху.
Андрэй Шніткоў, вадзіцель аўтобуса: У прынцыпе ідэя нядрэнная сама па сабе. Калі ўзнімецца культура ваджэння ў нашай дзяржаве, яна апраўдае сябе, таму што людзі будуць бачыць, што за гэтую паласу заязджаць не варта, што гэта для грамадскага транспарту зробленая паласа.
Зрэшты, такія раздзяляльныя канструкцыі ўжо з'яўляліся на мінскіх вуліцах два гады таму. Аднак укараніць іх не атрымалася. Калі ж другое жыццё дзелініятараў на Ціміразева будзе больш паспяховым, то ў найбліжэйшы час яны з'явяцца і на Прывакзальнай плошчы сталіцы.
