Што трэба ведаць, каб печ захоўвала цяпло і не прыносіла вялікіх праблем?

24 Кастрычніка 2018

На змену бабінаму лету ў Беларусь прыйшло ўжо сапраўды асенняе надвор'е. Гэты тыдзень будзе дажджлівым і халодным, заўтра захоўваецца аранжавы ўзровень небяспекі і ўжо чакаем першы снег, хоць і мокры. Жылы фонд нашай краіны ўжо сагрэты, гэтымі днямі далучаюць да цяпла і адміністрацыйныя будынкі. Уладальнікі ж прыватных дамоў вымушаныя вырашаць гэтыя пытанні самастойна.

Што трэба ведаць, каб печ захоўвала цяпло і не прыносіла вялікіх праблем - высвятляў Аляксандр Смірноў. Гэта наступства буйнога пажару ў Барысаўскім раёне. Трагедыя забрала два чалавечыя жыцці - гаспадыні дома і яе сына. Агонь успыхнуў позна ноччу і літаральна за лічаныя секунды ахапіў і жылое памяшканне, і гаспабудову, якая стаяла па суседстве. Шанцаў на выратаванне ў жыхароў практычна не было. У СК лічаць, што найбольш верагодная прычына здарэння - няспраўнасць пячнога ацяплення.

Менавіта сэндвіч-комін стаў прычынай пажару ў доме Уладзіміра Чарнушевіча. Добра, у яго выпадку абышлося без ахвяр. Зараз мужчына не адчайваецца і ўзводзіць новае жыллё. Праўда, зараз тэхніка бяспекі ў яго сям'і тэма нумар адзін, бо падрастае дзіця, а значыць, і бацькоўская апека не павінна згасаць. А для іншых яго выпадак павінен стаць павучальным прыкладам.

Аляксандр Зялютнік - прафесіянал з 12-гадовым стажам. Гаворыць, што памылак эксплуатацыі печы можа быць цэлы шэраг, а сустракаюцца яны ці ледзь не ў кожным доме. Прычым, здзяйсняюць іх і майстры падчас закладкі, і самі гаспадары. Аляксандр раіць не прапускаць дэталі: калі з'явіліся расколіны, выпадзенні ў абліцоўцы або пах дыму - падстава звярнуцца да майстра. Часта людзі грэбуюць найпростымі правіламі бяспекі.

У МНС адмовіліся ад карных рэйдаў і мер. Хоць і штрафы засталіся, і праверкі таксама. Важнае адрозненне - людзям даюць практычныя кансультацыі і імкнуцца вырашыць праблему, як гаворыцца, да яе праявы. Напрыклад, пры недахопе ў сям'і сіл і сродкаў на рамонт далучаюць мясцовыя ўлады.

З наступленнем халадоў тэма ацяплення выходзіць на першы план. Разам з ёй і пытанні бяспекі. У выратавальным ведамстве нагадваюць - санкцыі ў заканадаўстве вельмі адчувальныя – больш за 700 рублёў за няспраўнасці ў пячным ацяпленні. Але найважнейшая каштоўнасць - чалавечае жыццё. Паводле статыстыкі, у бягучым годзе з-за аналагічных праблем адбылося каля 300 пажараў, у якіх 13 чалавек загінулі. Хоць лічба і сумная, але пажадана на ёй і спыніцца.