У Светлагорску высвятляюць акалічнасці надзвычайнага здарэння на цэлюлозна-кардонным камбінаце. Як паведамілі ў канцэрне "Беллеспаперапрам", сёння раніцай там адбылася надзвычайная сітуацыя на ўчастку ракітавага алею. Падчас выканання агнявых работ падраднай арганізацыяй загарэўся рэзервуар з вадкасцю. Ад выбуховай хвалі 40-гадовы зваршчык упаў з вышыні і загінуў.
Ружэна Навіцкая, афіцыйны прадстаўнік канцэрна "Беллеспаперапрам": "Усе акалічнасці будуць расследаваны камісіяй з прадстаўнікоў упаўнаважаных органаў. Кіраўніцтва канцэрна і служба аховы працы тэрмінова выехалі на месца НЗ. Пажар ліквідаваны сіламі МНС".
Таксама па хуткую медыцынскую дапамогу звярнуўся рабочы 1979 года нараджэння. Ён шпіталізаваны з дыягназам "тупая траўма". На камбінаце ацэньваюць урон ад пажару.
