Праграма развіцця паўднёвага ўсходу Магілёўскай вобласці працуе ўжо другую пяцігодку. Старт маштабнаму эканамічнаму і сацыяльнаму абнаўленню вобласці далі ў 2015, калі Прэзідэнт падпісаў адпаведны ўказ.
Адразу 7 раёнаў, сярод якіх Клімавіцкі, Слаўгарадскі і Чэрыкаўскі, атрымалі магутную дзяржпадтрымку ў выглядзе льгот і прэферэнцый. Разумеючы, што стымул дадзены добры, але рэалізавана далёка не ўсё, летась рашэннем Прэзідэнта праграма прадоўжана да 2025 года. Акцэнт па-ранейшаму на мясцовую сыравіну, сельскую гаспадарку, сацыяльную сферу, прыцягненне інвестыцый.
Чаму столькі ўвагі менавіта да гэтых раёнаў? 6 з 7 адносяцца да пацярпелых ад аварыі на Чарнобыльскай АЭС. Па гэтай прычыне адбылося скарачэнне насельніцтва, з абарачэння была выведзена значная частка сельскагаспадарчых зямель, што адбілася і на развіцці.
Варта ўспомніць, што такую праграму хочуць рэалізаваць і на пацярпелых ад чарнобыльскай аварыі землях Гомельскай вобласці. Гэта прапанаваў Прэзідэнт у канцы красавіка, наведваючы поўдзень краіны.
Чым сёння жывуць і як развіваюцца паўднёва-ўсходнія тэрыторыі, распавядзе Ксенія Лебедзева (відэа).
Чым жывуць і як развіваюцца паўднёва-ўсходнія тэрыторыі Магілёўскай вобласці
16 мая 2021