Гэтыя лекі знаходзяцца проста ў арганізме ў пацыента. Больш за паўсотню беларускіх наватараў сабраліся сёння, каб абмеркаваць новыя клетачныя тэхналогіі. Зараз з дапамогай ствалавых клетак можна вылечыць сотні захворванняў, сярод іх - траўмы галаўнога мозга, хваробы брушной поласці і нават рассеяны склероз. Прычым, гэта не будучыня беларускай медыцыны, а рэальнасць. Новыя тэхналогіі ўжо актыўна ўкараняюцца ў жыццё.
Аб дасягненнях нашых урачоў - Юлія Грызунт. Нягледзячы на тое, што прайшоў ужо не адзін год, Галіна Габрыянчык памятае кожны калідор у гэтай бальніцы. Бо менавіта тут прайшла, мабыць, самая цяжкая і ў той жа час неабходная для яе працэдура - выдаленне 15-сантыметровай грыжы. Дома яе чакалі двое дзяцей і чацвёра ўнукаў. Але надзеі амаль не было - шматлікія дактары тады адмовіліся аперыраваць жанчыну.
Панацэяй, як ні дзіўна, стала сама ж пацыентка, дакладней, яе здаровыя клеткі. Больш за тое, такі выпадак быў неабходны і дактарам – Галіна адна з першых выпрабавала на сабе інавацыйны, на той момант, метад.
Зараз такая аперацыя практычна руцінная для беларускіх дактароў. Як і шматлікія іншыя, дзе галоўны інструмент - клетка.
Новыя метады дазволяць лячыць недастатковасць шчытападобнай залозы і цукровы дыябет. Акрамя таго, ужо ёсць першыя вынікі па барацьбе з рассеяным склерозам, зноў, з дапамогай унікальных клетачных тэхналогій. Усё гэта дасягненні апошніх трох гадоў, але ў цэлым медыцына на мікраўзроўні развіваецца ў нашай краіне яшчэ з 80-ых гадоў.
Сёння клетачныя тэхналогіі выкарыстоўваюцца практычна ва ўсіх медыцынскіх сферах, яны - панацэя ад трох сотняў хвароб. Пару гадоў назад на міжнароднай арэне Беларусь прызналі наватарам у тэхналогіях, звязаных з клетачнымі культурамі. Тады мы занялі трэцяе месца ў свеце пасля Кітая і Новай Зеландыі.
Адно з прарыўных кірункаў - лячэнне захворванняў мозга. Ствалавыя клеткі ўжо выкарыстоўваюцца для аднаўлення пасля траўм галавы.
Раней у сусветнай практыцы такая методыка не апісана. Абмеркаваць інавацыі сёння сабраліся больш за паўсотню вядучых дактароў з усёй краіны. Тут гаворка ішла і аб планах - адзін з іх выкарыстанне ствалавых клетак пры трансплантацыях буйных органаў. Гэта дазволіць зберагчы парашчытападобныя залозы пацыентаў. Іншымі словамі - такая працэдура забяспечыць максімальна камфортнае жыццё пасля найскладанейшай аперацыі.
