Будучыя стаматолагі з Беларусі, Нарвегіі, Малдовы і Арменіі могуць пачаць навучацца па адзінай праграме. Пра гэта сёння гаварылі ў медуніверсітэце падчас міжнароднай стаматалагічнай канферэнцыі. Па новых навучальных планах будуць займацца ва ўсіх універсітэтах, якія ўдзельнічаюць у міжнародным праекце. У першую чаргу праграма скіравана на памяншэнне ракавых захворванняў поласці рота ў пацыентаў. Для гэтага наладжаны абмен вопытам паміж ВНУ. Так, беларускія студэнты і выкладчыкі паспяхова прайшлі стажыроўку ў нарвежскім універсітэце. А наша краіна прыняла замежных спецыялістаў.
Даніэла Кастэа, міжнародны каардынатар праекта (Нарвегія): "Зараз самае важнае - дасягнуць паміж стаматолагамі-практыкамі і даследчыкамі ў галіне паталогіі ўзаемаразуменняя і агульнага выніку. А менавіта падрыхтаваць новыя падыходы для выяўлення захворванняў на ранніх стадыях. Напрыклад, да гэтага стаматолагі займаліся толькі лячэннем зубоў, а наша задача - навучыць іх дыягнаставаць розныя паталагічныя станы і хутка іх ліквідаваць".
Дарэчы, ужо распрацоўваецца электронная платформа для навучання студэнтаў-стаматолагаў. Удзельнікі дадзенага праекта з розных краін у анлайн-рэжыме змогуць вывучаць паталогіі слізістай абалонкі поласці рота.
Будучых стаматолагаў з Беларусі, Нарвегіі, Малдовы і Арменіі плануюць навучаць па адзінай праграме
30 сентября 2019