Праект "Сімбіа сіці" рэалізоўваецца ў рамках нацыянальнага плана дзеяння па развіцці зялёнай эканомікі. Ён пілотны і патрабуе нямала інвестыцый. Як Брэст зрабіць чыстым і зручным для жыцця людзей, абмяркоўвалі рэгіянальныя ўлады, прадстаўнікі Мінпрыроды і спецыялісты са Швецыі. Дарэчы, менавіта гэта краіна - лідар у Еўропе ў галіне эфектыўнага выкарыстання гарадскіх прыродных рэсурсаў. У рэалізацыі мадэлі разумнага горада ўдзельнічаюць каля 400 інвесткампаній Каралеўства. У прыярытэце безадходная вытворчасць, экалогія і біятранспарт. У Брэсце пакуль толькі выпрацоўваюць канцэпцыю, якія шведскія тэхналогіі можна прымяніць на практыцы.
У Брэсце ўжо рэалізавана нямала зялёных праектаў. Самы маштабны -- будаўніцтва першага ў краіне смеццеперапрацоўчага завода. Першым мерапрыемствам у рэалізацыі "Сімбіа сіці" стане рэканструкцыя ачышчальных збудаванняў і вадасцёкаў.
