З Днём ратавальніка працаўнікоў і ветэранаў органаў і падраздзяленняў па надзвычайных сітуацыях павіншаваў Прэзідэнт Аляксандр Лукашэнка.
Айчынная служба выратавання мае высокакваліфікаваныя кадры і сучасную тэхніку. Спецыялісты службы 101 паспяхова супрацоўнічаюць з замежнымі калегамі ў папярэджанні і ліквідацыі надзвычайных сітуацый, а таксама вывучаюць міжнародны вопыт абароны атамных электрастанцый. Адзначым, адным з першых на Беларускай АЭС пабудаваны пункт аварыйна-выратавальнага падраздзялення.
Уладзімір Вашчанка, Міністр па надзвычайных сітуацыях Беларусі: "Мы ўжо завяршылі будаўніцтва нашага памяшкання. Гэта першы цалкам скончаны аб'ект. Ідзе паўнавартасная падрыхтоўка, укамплектаваны прафесійнымі кадрамі. На станцыі пабывалі ўсе начальнікі абласных упраўленняў. Вывучаем і ў ходзе будаўніцтва і, вядома ж, адпрацоўваем іншыя пытанні. Таму нашы грамадзяне могуць быць упэўненыя, што станцыя будзе бяспечнай".
Гарантаванне бяспекі - асноўная задача байцоў МНС. Сёння беларускія ратавальнікі не толькі дапамагаюць сваім суайчыннікам, але могуць пры неабходнасці выехаць практычна ў любы пункт свету.
