Эстафета "Полымя міру" на фінішнай прамой. Агонь II Еўрапейскіх гульняў ужо заўтра запаляць на стадыёне "Дынама". А сёння маршрут кантынентальнага прабегу праходзіць праз Батанічны сад, Вялікі тэатр, парк Перамогі. 23 факеланосцы, сярод якіх знакамітыя спартсмены, людзі творчых прафесій (акцёры, рэжысёры, тэлевядучыя) далучыліся да марафону і пранеслі галоўны сімвал спартыўнага форуму па знакавых і маляўнічых месцах беларускай сталіцы. Сваімі эмоцыямі яны падзяліліся з нашым карэспандэнтам Юліяй Токар.
Як бачыце, "Полымя міру" прыбыло ў Тэатр оперы і балета. За маёй спінай ад лампады захавальнікі агню запальваюць факел. Упершыню ў гісторыі агонь асвяціць тэатр, па якім зараз і праводзіць экскурсію Валянцін Елізар’еў - мастацкі кіраўнік Вялікага. Ён сёння і факеланосец.
А далей эстафету падхоплівае вядучая Белтэлерадыёкампаніі Святлана Бароўская. Свой маршрут яна працягне ў скверы тэатра. Тут жа пройдзе ўрачыстая цырымонія ўзнагароджання факеланосцаў.
Вялікі тэатр сустракае "Полымя міру"
20 июня 2019