Больш як 9 тысяч маладых медыкаў Беларусі прыбылі на першыя рабочыя месцы

З іх 5 тысяч - спецыялісты з вышэйшай адукацыяй і роўна палова - урачы агульнай практыкі. Каб памераць ціск, праверыць лор-органы, зрок або правесці УГД,  зараз досыць запісацца да аднаго спецыяліста. Сярэдні час прыёму - 18 хвілін. Дарэчы, новыя супрацоўнікі - пераважна дзяўчаты. 

Вольга Маршалка,  начальнік упраўлення Міністэрства аховы здароўя Беларусі:  "Гэта сусветная тэндэнцыя, і ўрач агульнай практыкі гэта спецыяліст, які дазваляе якасна аказаць медыцынскую меддапамогу. І гэты спецыяліст першым ацэньвае стан пацыента, дае неабходныя рэкамендацыі. Асноўная дзейнасць гэтага спецыяліста накіраваная на прафілактыку захворванняў, на тыя мерапрыемствы, якія дазволяць максімальна захаваць здароўе нашым пацыентам і палепшыць іх якасць жыцця".

Плаціць маладым медыкам абяцаюць ад 500 рублёў. Прадугледжаныя і прыбаўкі да зарплаты, а пры неабходнасці - пакой у інтэрнаце. Больш за ўсё спецыялістаў па размеркаванні накіравана ў сталіцу і Мінскую вобласць.