На добраўпарадкаванне сацыяльна значных аб'ектаў, паркаў, пасадку лесу выйшлі звыш 350 тысяч жыхароў рэгіёна. Асаблівую ўвагу надалі навядзенню парадку на месцах баявой і воінскай славы, ля помнікаў археалогіі і гісторыка-культурнай спадчыны. Працавалі і ля моста цераз Днепр. Плануецца, што сёлета яго поўнасцю адкрыюць.
Уладзімір Даманеўскі, старшыня Магілёўскага аблвыканкама: "Ёсць адпаведнае распараджэнне Кіраўніка дзяржавы па правядзенні рэканструкцыі гэтага моста. І сапраўды гэтае пытанне з пункта погляду транспартнай інфраструктуры вельмі важнае".
Суботнік стаў яшчэ і зялёным днём. Толькі ў Чавускім раёне на выхадных высадзілі больш за тысячу елак, дубоў і кедраў.