Сума ўрону пакуль падлічваецца, толькі чацвёра з іх абавязаныя пакрыць банкам звыш 25-ці тысяч рублёў. Паводле інфармацыі ГУБАЗ, крымінальны бізнес арганізавала сям'я з Віцебска. Яны знаходзілі людзей, якія вялі асацыяльны лад жыцця, угаворвалі ўзяць на сябе крэдыты для куплі бытавой тэхнікі. Тэлевізары і халадзільнікі, планшэты і тэлефоны, мікрахвалевыя печы і іншыя прылады зламыснікі забіралі сабе. За паслугу пацярпелым плацілі ўзнагароду ад 50 да 100 рублёў. Пасля здзелкі аферысты знікалі, не гасячы пазыку.
Сяргей Калантаеў, начальнік 7-га ўпраўлення (па Віцебскай вобласці) ГУБАЗіК МУС Беларусі: "Дзейнасці садзейнічалі спецыялісты і прадаўцы-кансультанты двух буйных гандлёвых сетак. Маладыя людзі дапамагалі афармляць неабходныя дакументы і ўладжваць з банкамі пытанні плацежаздольнасці кліентаў. За гэта атрымлівалі ўзнагароду ад саўдзельнікаў".
Зараз усе фігуранты знаходзяцца ў ізалятары часовага ўтрымання. Узбуджана крымінальная справа паводле артыкула "Махлярства, учыненае групай асоб у асабліва буйным памеры". Ім пагражае да 10 гадоў пазбаўлення волі з канфіскацыяй маёмасці.
Больш за 30 чалавек сталі ахвярамі ашуканцаў у сферы спажывецкага крэдытавання
26 сентября 2019