Звычайны школьнік з Магілёва за суткі стаў зоркай YouTube. У 8-гадовага хлопчыка назапасіліся пытанні, і ён вырашыў імі падзяліцца. Стварыў акаўнт і выклаў у Сетку свой першы відэаролік. Блогер Ваня распавядае пра школу і пра ўсё, што з ёй звязана. Відэа ўжо паглядзелі дзясяткі тысяч чалавек. Як упэўнівае аўтар, гэта толькі пачатак. Такім чынам, жыццё сучаснага школьніка Вані прама зараз.
Кароткі аповед ад блогера ў майцы з забіяцкім надпісам "Здорава".
Хоць ужо з першых відэаролікаў становіцца зразумела: жыццё сучаснага школьніка нялёгкае. Блогерам Іван Свірыдэнка стаў нечакана для ўсёй сям'і і сяброў. Стварыў свой акаўнт і выклаў у Сетку першы ролік, які за суткі сабраў больш як 35 тысяч праглядаў.
Добра вучыцца ў школе, спартсмен. Бацькі і брат Максім гавораць: новае захапленне Івана, пра якое школьнік распавёў на сямейным абедзе, ахвотна падтрымалі. Сам юны блогер такой папулярнасці не чакаў. Захапленне Івана Свірыдэнкі ў яго роднай школе вырашылі не проста падтрымаць, а гатовыя прапанаваць для відэаблога школьніка новыя тэмы. Балазе, што ні дзень - новыя падзеі. Настаўнікі нават прапанавалі надзяліць Івана Свірыдэнку афіцыйнымі паўнамоцтвамі школьнага інтэрнэт-аглядальніка. Аднакласнікі ў захапленні. За і дырэктар. Тым больш што вопыт відэаблогерства ў школы ёсць. На сайце збіраюць лайкі відэасправаздачы аб школьным жыцці.
Аляксандр Смародскі, дырэктар СШ № 19 г. Магілёва: "У Міжнародны дзень міру арганізавалі такі своеасаблівы флэшмоб. Мы знялі відэаролік, які размясцілі на сайце нашай школы. Самі навучэнцы выстройваліся ў форме голуба, быў таксама такі пазітыўны пасыл".
Тым часам юны блогер з Магілёва ўжо прыдумаў новы сцэнарый пра вучнёўскую сталовую і перапынкі. Засталося толькі знайсці час для здымак у жорсткім графіку сучаснага школьніка.
