Найбліжэйшыя тры дні не самы лепшы час перасякаць літоўскую мяжу

Заўтра члены пагранічнага прафсаюза Літвы плануюць пачаць так званую італьянскую акцыю пратэсту. Гэта значыць, што ўсе транспартныя сродкі, якія перасякаюць мяжу, будуць правяраць доўга і асабліва дбайна. Лідары прафсаюза такім чынам хочуць паўплываць на ўлады. Сярод патрабаванняў - павелічэнне фінансавання, забеспячэнне сацыяльных гарантый і рэфармаванне сістэмы праваахоўных органаў. У Дзяржпагранкамітэце Беларусі спадзяюцца, што чэргі ў пунктах пропуску не ўзнікнуць, але ўсё ж рэкамендуюць перад паездкай азнаёміцца са станам спраў на мяжы.