Увага і клопат аб тых, хто не зможа сустрэць навагоднія святы разам з блізкімі. Дабрачынная акцыя "Нашы дзеці" працягвае маштабнае шэсце па краіне. На гэты раз падарункі і віншаванні атрымалі хлопчыкі і дзяўчынкі з дзіцячага дома № 6. Да іх у госці прыехаў кіраўнік Прэзідэнцкага спартыўнага клуба Дзмітрый Лукашэнка разам з сям'ёй. У гэтым дзіцячым доме пражываюць паўсотні выхаванцаў ад 4 да 18 гадоў. Сёння яны прымерылі ролю юных Мендзялеева і прафесара Пратона падчас хімічнага шоу. А пасля ўсе разам прынялі ўдзел у навагоднім ранішніку.
Зараз у хлопчыкаў і дзяўчынак стане больш падстаў для святочных мерапрыемстваў. У падарунак ад гасцей яны атрымалі музычны цэнтр і ласункі. З пустымі рукамі выхаванцы дзіцячага дома не адпусцілі і сям'ю Дзмітрыя Лукашэнкі. На памяць аб сустрэчы прэзентавалі сімвалы Раства і Новага года - анёлаў, зробленых сваімі рукамі. Дзіцячаму дому № 6 нядаўна споўнілася 17 гадоў. За гэтыя гады ва ўстанове належнае выхаванне і догляд атрымалі больш за паўтысячы дзяцей. У хлопчыкаў і дзяўчынак створаны дзясятак клубаў па інтарэсах. Яны саліруюць у караоке, глядзяць любімыя фільмы і вывучаюць замежныя мовы.
