Пакуль увесь свет спрабуе спраўляцца з наступствамі эпідэміі каранавіруса, асобныя структуры і асобы арганізуюць бізнес на страху людзей. Справаздача Еўрапала паказвае - у дадзенай сітуацыі злачынныя групоўкі адаптавалі свае схемы.
Ашуканцы прадаюць падробленыя тэсты на каранавірус, кантрафактныя маскі і ахоўныя касцюмы. Часам страх быць заражаным прымушае нас купіць непатрэбны тавар або паслугу. Так пусцеюць прылаўкі ў магазінах і аптэках, набываюцца ўтрая даражэй маскі і сродкі дэзынфекцыі ў перакупшчыкаў.
Такія выпадку ёсць і ў Беларусі. Міліцыя і падатковыя службы канфіскуюць тысячы сродкаў дэзынфекцыі ў перакупшчыкаў. У Мінску зарэгістраваны спробы вымантачыць ва ўладальнікаў укладаў працэнты з дэпазіта нібыта на барацьбу з COVID-19, а ў Гродне зламыснікі пад выглядам медработнікаў прадалі пенсіянеру нібыта лячэбную пасцельную бялізну, завысіўшы кошт камплекта амаль у 100 разоў.
Колькі каштуюць уяўныя паслугі для спалоханых спажыўцоў, хто арганізуе пір падчас пандэміі? Увесь тыдзень Уладзімір Каралёў вывучаў крымінальнае становішча вакол каранавіруса. Расследаванне нашай праграмы (відэа).
Бізнес на страху. Ашуканцы прадаюць падробленыя тэсты на каранавірус, кантрафактныя маскі і ахоўныя касцюмы
5 апреля 2020