Бясплатную юрыдычную дапамогу акажуць сёння прававыя інспектары Федэрацыі прафсаюзаў. Спецыялісты наведаюць усе рэгіёны краіны. Выезды праходзяць па галіновым прынцыпе. Пачнуць юрысты з сельскагаспадарчай галіны, на чарзе ў наступным месяцы - будаўнічая. Галоўная задача - наведаць маленькія аграгарадкі і вёскі, каб выслухаць кожнага рабочага. Задаць пытанні можна па працоўным, жыллёвым і пенсіённым заканадаўстве. Спецыялісты будуць на прадпрыемствах з самай раніцы і да 4 гадзін дня.
Марына Лазар, начальнік галоўнага ўпраўлення юрыдычнай працы і прававога забеспячэння Федэрацыі прафсаюзаў Беларусі: "З мінулага года прававыя прыёмы праходзяць з удзелам пракурорскіх працаўнікоў. Гэта дазваляе больш аператыўна і якасна вырашаць пытанні грамадзян. Акрамя кансультацый, прафсаюзныя юрысты падрыхтуюць па просьбе члена прафсаюза дакументы ў суд і могуць прадстаўляць яго інтарэсы непасрэдна ў судзе".
Дарэчы, у кастрычніку быў запушчаны прававы анлайн-сэрвіс Федэрацыі прафсаюзаў Беларусі, на якім прадстаўленыя юрысты па ўсіх рэгіёнах. Для звароту трэба адзначыць сваё месца жыхарства і працы, а праграма прапануе кантакты інспектараў, якія могуць дапамагчы.