Белтэлерадыёкампанія пачала здымаць новы сезон інтэлектуальнага шоу для юных эрудытаў "Я ведаю!".
Праект створаны сумесна з Міністэрствам адукацыі. На тэлевіктарыну зноў з'ехаліся разумнікі з усёй краіны. Усе яны прайшлі адборачныя туры ў сваіх школах і раёнах. Таксама за час канікул прадзюсарскі цэнтр медыяхолдынга звярнуў увагу і на творчых віртуозаў. У якасці музычных заставак у гэтым сезоне будуць нумары ад талентаў са школ мастацтваў вялікіх і малых гарадоў. У новы год з першымі вучнямі адправілася Вольга Мядзведзь.
"Я ведаю!" застаўся на другі год, але не праз дрэнныя ацэнкі ў дзённіку, а дзякуючы высокім ацэнкам гледачоў. Другі сезон інтэлектуальнага праекта стартуе 12 студзеня, і ў дзённы час эфірнай сеткі ўдвая больш вундэркіндаў! З новага года шоу "Я ведаю!" запрашае тэлегледачоў адказваць на пытанні з гульцамі не толькі ў суботу, але і ў нядзелю.
Цыкл з 33 праграм пра дзяцей, якія вызначаліся ведамі і не марылі з’явіцца на экранах, застанецца нязменным: яркае, сучаснае, тэхналагічнае шоу. Бо галоўнае ў рэспубліканскім тэлевізійным класе - гэта юныя здольнасці з усёй краіны, іх нестандартныя адказы і развагі, эмоцыі ад паражэнняў і перамог. Для Пятра Рэвуцкага з вёскі Будзілава Віцебскай вобласці гэта першая паездка ў беларускую сталіцу. Самым яркім уражаннем, апроч шматлікіх пражэктараў, камер, кабеляў і кнопак, стала жыццё вялікага горада.
На сваёй дэбютнай здымцы і першай гульні сезона ён раскалыхаў усю залу не толькі цікавымі адказамі, але і ў прамым сэнсе слова. Такім чынам Пётр спраўляўся з хваляваннем.
А вось юны музыкант, аматар інтэлектуальных гульняў і алімпіяд Дзмітрый Чыбісаў з Ваўкавыска марыць стаць навукоўцам. Задумацца яго прымусіла відэапытанне пра кросны. Адказ, гаварыў, даў наўздагад.
А для гэтага сталічнага гімназіста тэлевіктарына "Я ведаю!" не проста пройдзены этап. Праверыць свае веды і інтуіцыю пераможца першага сезона ў паралелі 9 класаў паспрабуе яшчэ раз сёлета ў новым статусе 10-класніка.
Сёння медыум здымачнага працэсу, знялі палову першага пакета. Рынг знатакоў разгарнуўся ў Палацы спорту. Ад старту да суперфіналу інтэлектуалаў аддзяляюць 4 туры, цягам якіх шоу пакідае па некалькі канкурсантаў. За права быць у фінале змагаюцца толькі два вундэркінды, якія на працягу гульні далі максімальную колькасць правільных адказаў.
Перад кожнай гульнёй інфармацыйныя панэлі праходзяць праверку ад школьнікаў. Пасля ўступнага інструктажу вучні ў экспрэс-фармаце адказваюць на выпрабавальныя заданні, якія не ўплываюць на далейшы вынік. Бо не толькі ад ведаў, але і ад умення карыстацца гэтым гаджэтам залежаць іх дасягненні ў шоу. Пад прыцэлам тэлекамер і па-за зонай камфорту галоўнае не пераблытаць кнопку.
Дзеці XXI стагоддзя задаюць планку і арганізатарам. Зараз абмяркоўваецца пытанне аб стварэнні мабільнага дадатку "Я ведаю!", з дапамогай якога, магчыма, у наступным сезоне пройдзе адбор удзельнікаў.
