Беларусы сёння па славянскай традыцыі сустрэлі стары Новы год. І па традыцыі гэтая ноч была чароўнай у Вялікім тэатры. Святочны баль сабраў сотні гасцей. Музыка не сціхала да самай раніцы - удзельнікі кружыліся ў віхры танцаў. Вывучаць рухі і фігуры вальса, мазуркі, кадрылі, контрдансу, полькі ўладальнікі білетаў пачалі яшчэ ў лістападзе. Арганізатары цяперашняга балю пацешылі навінай - "Арт-квэстам", які складаецца з чатырох тураў: майстар-класа па выпечцы, загадак фокусніка; яшчэ два этапы для аматараў балета - віктарына і сапраўдны пірацкі куток з бутафорыяй з пастаноўкі "Карсар". Навінкай гэтага сезона стаў і баль-маскарад.
