Першыя пункты продажу пачалі сваю працу - да выхадных іх адкрыецца больш за тысячу. Жыхароў сталіцы на ёлачныя базары запросяць 22 снежня - адрасоў больш як дзве сотні. Выбар самы разнастайны і па даступных цэнах. У той жа час у рэжым узмоцненай працы пераходзіць і ахова лясоў. Інспектары выкарыстоўваюць сучасныя сістэмы відэаназірання. Як правільна выбраць і колькі каштуе галоўны сімвал Новага года - даведвалася Юлія Токар.
Ляснічы Аляксандр Салаўёў паказвае іглічныя плантацыі. На гэтым тыдні частка дрэў паедзе ў сталіцу і іншыя гарады - на ёлачныя базары. Толькі Уздзенскі раён да продажу падрыхтаваў каля 4 тысяч навагодніх прыгажунь.
У Беларусі пачынаецца іглічны бум - сёння стартавалі ёлачныя базары. Больш за тысячу пунктаў продажаў пачнуць працаваць да выхадных.
Ёлка вышынёй да метра будзе каштаваць ад 10 рублёў, да двух - ад 12, а самыя высокія - ад 15 рублёў.
За самавольную высечку прадугледжаны штраф да тысячы рублёў. Каб своечасова выявіць парушальнікаў, інспектары прыродааховы выкарыстоўваюць сучасныя сістэмы відэаназірання.
"Зялёную госцю" на святы выбірае і сям'я Людына. Сёлета вырашылі купіць жывую ёлку - аднагадовага сына пазнаёміць і самім успомніць іглічны водар дзяцінства.
Піхта дацкая, ёлка калючая, блакітная карыстаюцца папулярнасцю ўсё больш за дрэвы ў кадках. Бо свой прыгожы выгляд у кватэры яны захоўваюць да пяці тыдняў. Але вока радуюць не толькі на навагоднія святы, але і летам. На прысядзібным участку.
Яловыя галінкі выкарыстоўваюць і ў складанні каляднага дэкору. Свежымі ідэямі з выкарыстаннем шышак, сушаных апельсінаў і ягад дзеляцца фларысты.
"Інгрэдыенты" для ўпрыгажэнняў можна набыць на калядных маркетах і кірмашах. А на ёлачныя базары мінчан запросяць 22 снежня. Адрасоў больш як дзве сотні.
