Беларуска-кітайскі навукова-даследчы цэнтр філасофіі і культуры стане прыкладам навуковай кааперацыі дзвюх краін. Пра новы фармат супрацоўніцтва Беларусі і Кітая расказаў кіраўнік Інстытута філасофіі Акадэміі навук на адкрыцці Першага беларускага філасофскага кангрэса. Форум сабраў каля 700 удзельнікаў з усяго свету. Прывітанне накіраваў Прэзідэнт Беларусі Аляксандр Лукашэнка. Адкрыццё сумеснай беларуска-кітайскай навуковай пляцоўкі пройдзе заўтра. Плануецца, што гэта будзе цэнтр падвойнага падначалення. Адзін філіял будзе працаваць на базе нашага Інстытута філасофіі, другі - у Кітаі - на базе Ліннаньскага педуніверсітэта.
Анатоль Лазаравіч, дырэктар Інстытута філасофіі НАН Беларусі: "Праблематыка цэнтра будзе датычыцца, у першую чаргу, такой усім вядомай нам ідэі - новага эканамічнага пояса "Адзін пояс і адзін шлях". Я хачу сказаць, што гэтая стратэгія менавіта ў рамках гэтага праекта, прапанаваная кітайскім бокам, мае патрэбу не толькі ў эканамічных інструментах вырашэння, але і ў гуманітарных".
Кангрэс прадоўжыцца тры дні і стане адным з самых буйных форумаў Года навукі.
