У практыкаванні "Піраміда" наш вайсковец паразіў 5 мішэняў на розных дыстанцыях менш чым за хвіліну. Адлегласць да цэлі ад 150 да 500 метраў. Наймацнейшымі на гэтым этапе таксама былі снайперы з Казахстана, Кітая, Манголіі і Расіі. У лідары змог прабіцца і стралок з Зімбабвэ. У агульнакамандным заліку на першым месцы беларусы, на другім расіяне, на трэцім снайперы з Казахстана.
Эдгард Антоніа Санчэс, прадстаўнік каманды Венесуэлы:
"Я хачу сказаць дзякуй Беларусі за тое, наколькі добра падрыхтаваны конкурс, нягледзячы на такую колькасць нацыянальнасцяў і культур, што тут прадстаўленыя, вам удалося стварыць для ўсіх камфортныя ўмовы не толькі для сумленнай барацьбы, але і для сумеснага навучання, камунікацыі і абмену культурнымі каштоўнасцямі і традыцыямі. Асабліва прыемна, што конкурс праходзіць у Брэсце, горадзе дэсантнікаў, бо наш лідар Уга Чавес таксама быў дэсантнікам".
Беларусы сталі першымі і ў індывідуальным заездзе ў "Танкавым біятлоне". Наша каманда паспяхова паразіла ўсе мішэні, упэўнена абышла зборныя Сірыі і Таджыкістана. Другі наш экіпаж выйдзе на трасу праз некалькі гадзін.
