Напярэдадні Міжнароднага дня абароны дзяцей Беларускі саюз жанчын упершыню правёў вечар сямейнага чытання "Бацькоўскi дар".
Тэатралізаванае чытанне твораў класікаў беларускай літаратуры прайшло ў Нацыянальным акадэмічным тэатры імя Янкі Купалы. У ролі чытальнікаў нараўне з сем'ямі, з акцёрамі тэатра выступілі і дзяржаўныя дзеячы. Арганізатары мерапрыемства адзначылі, што прастора сямейнага чытання здольна аб'яднаць старэйшае і малодшае пакаленні, а таксама ўплываць на фарміраванне асэнсаванага, багатага духоўнага свету дзяцей.
Змест кнігі "Бацькоўскі дар" - гэта творы класікаў нашай літаратуры: Янкі Купалы і Якуба Коласа. Мэтай мерапрыемства стала фарміраванне сямейных традыцый культурнага вольнага часу і павышэнне ролі кнігі і чытання ў выхаванні падрастаючага пакалення.
