Яна падоўжылася ўсяго 14 дзён і стала самай кароткай у нашай гісторыі.
Дэпутаты паспелі вырашыць усе арганізацыйныя пытанні і вызначыліся з саставамі профільных камісій. Эканоміка, нацыянальная бяспека, медыцына, адукацыя, сацыяльная сфера, як і ў папярэднім скліканні, іх 14. Да законатворчай працы парламентарыі прыступяць ужо ў наступным годзе.Зараз у Палаце прадстаўнікоў - больш за 30 законапраектаў
Прыкладна траціна з іх перайшлі ад мінулага саставу і будуць разгледжаны ў другім чытанні. Сярод новых дакументаў - закон аб дзяржаўных арганізацыях, аб ліцэнзаванні, аб добраахвотніцкай дзейнасці. Дэпутаты таксама ўвойдуць у склад рэспубліканскай экспертнай групы па ўдасканаленні заканадаўства аб адміністрацыйнай адказнасці. На гэтую працу, нагадаем, Прэзідэнт адвёў паўгода.Уладзімір Андрэйчанка, старшыня Палаты прадстаўнікоў Нацыянальнага сходу Беларусі: "Канікул у нас ніякіх няма. Сапраўды, на сённяшні дзень мы вырашылі ўсе арганізацыйныя пытанні. Наперадзе вялікая праца па рабоце з законапраектамі. І вы ведаеце, што ўжо літаральна вясной мы пачынаем разглядаць пакет бюджэтных дакументаў, і ў састаў камісіі, якая будзе створана, разам з урадам увойдуць дэпутаты Палаты прадстаўнікоў. Нам трэба правесці шэраг навучанняў, што будзе зроблена ў студзені. Гэта значыць графік наш будзе вельмі насычаны".
